Qyzylqumdy qar basty
ASTANA. QazAqparat - Ortalyq Ózbekstandaǵy Qyzylqumǵa mol qar jaýdy. Bul týraly búgin, 11 aqpanda Ózbekstannyń tabıǵat qorǵaý memlekettik komıtetiniń baspasóz qyzmeti habarlady.
«Bul kúnderi respýblıkanyń kóptegen aımaqtarynda teımperatýra sýyqtyqty kórsetip tur. Kóptegen oblystar úshin japalaqtape qar jaýýy úırenshikti qubylys bolǵanmen, eldiń eń ystyq núktensi sanalatyn Qyzylqum shólinde qardyń mol túsýi tabıǵattyń tosyn minezi», - delingen vedomstvonyń habarlamasynda, dep habarlady Lenta.rý.
Osy aptada Ózbekstanǵa naǵyz qys tústi jáne qar jaýdy. Taıaýdaǵy kúnderi eldiń barlyq aýmaǵynda túnde 5-8 gradýsqa deıin kún sýytyp, kúndiz plıýs 2-6 gradýsqa deıin kóteriledi
Qyzylqum Amýdarııa men Syrdarııanyń arasynda Ózbekstan, Qazaqstan jáne Túrkimenstan aýmaǵynda ornalasqan jáne 300 myń sharshy shaqyrym jerdi alyp jatyr.
