Qyzylqııada Manas eskertkishi ashyldy
ASTANA. QazAqparat -Batken oblysy Qyzylqııa qalasynda Manas eskertkishi ashyldy, dep habarlaıdy KırTAG Qyrǵyzstan Respýblıkasy úkimetiniń baspasóz qyzmetine silteme jasap.
«Uly Manas esimi halyqtyń birligimen baılanysty. «Manas» eposynda halyqtar arasyndaǵy dostastyq pen kelisim jaıly jan-jaqty aıtylady. Barlyǵymyz adamgershiligi men birligi jarasqan qoǵamda kópqyrly jáne turaqty damý qalyptasatyny belgili ekendigin bilemiz», - dedi Qyrǵyzstan premer-mınıstri Sooronbaı Jeenbekov eskertkishti ashý saltanatynda.
«Uly Manas eskertkishi ashylatyn Qyzylqııa qalasynda 50-den astam ult ókilderi ómir súredi. Bul barlyǵymyz úshin jarqyn bastama. Manas tek qana halyq batyry ǵana emes, sonymen qatar eldiń namysyn, ádildigin, turaqtylyǵy men saýlyǵyn birinshi orynǵa qoıa bilgen daryndy basshy», - dep atap ótti premer-mınıstr.
