Qyzylaǵashta 15 myń kóshet otyryǵyzyldy
TALDYQORǴAN. Shildeniń 19-y. QazAqparat /Sandýǵash Dúısenova/ - Almaty oblysynyń sý tasqynynan zardap shekken Qyzylaǵash eldi mekeninde oblystyq orman sharýashylyǵy basqarmasy men memlekettik uıymdar qyzmetkerleriniń kúshimen aýmaǵy 8,4 gektar bolatyn saıabaq irgetasy qalandy.
Saıabaqta 8 400 túp aǵash otyrǵyzyldy, olardyń qatarynda qaraǵaı, qaraǵash, terek pen sheten aǵashtary da bar. Almaty oblystyq tabıǵı resýrstar men tabıǵatty paıdalanýdy retteý basqarmasynyń qyzmetkerleri saıabaqqa aǵash otyrǵyzý jáne aýyldy jasyl jelekke orantý úshin jer aýmaǵyn josparlaý sharasyn ótkizdi.
Sondaı-aq, kóshelerdi abattandyrý maqsatynda 6 600 kóshet otyrǵyzyldy. Barlyq 15 myń kóshet aǵashty Almaty oblysynyń ákimi Serik Úmbetovtyń tapsyrmasy boıynsha Orman sharýashylyǵy basqarmasynyń memlekettik tálimbaǵynan bólindi.
Otyrǵyzylǵan jasyl jelekterdi sýarý «Jasyl el» jastar jasaqtarynyń kúshimen júzege asyrylýda, dep habarlady tabıǵı resýrstar jáne tabıǵatty paıdalanýdy retteý basqarmasynan.
