Qyzylaǵash sý qoımasyn jekemenshikke zańsyz bergen A.Sabyrovtyń ústinen qylmystyq is qozǵaldy
ASTANA. Sáýirdiń 21-i. QazAqparat /Arman Asqarov/ - Qyzylaǵash sý qoımasyn jekemenshikke zańsyz bergen Almaty oblysynyń Sý resýrstary jónindegi komıtetiniń burynǵy bastyǵy Aqdarbek Sabyrovtyń ústinen qylmystyq is qozǵaldy.
Bul týraly búgingi baspasóz máslıhatynda QR Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń derekteri boıynsha atalǵan azamat 1998 jyly komıtettiń tóraǵasy bolyp otyrǵan kezde Qyzylaǵash sý qoımasyn eshbir tólemaqysyz jáne paıdalaný merzimin anyqtamaı, jeke sharýa qojalyǵyna bergen. «Qazirgi kezde A.Sabyrovqa qatysty QR Qylmystyq kodeksiniń 308 baby, 3 bóligi boıynsha qylmystyq is qozǵalyp otyr», - deıdi Q.Jumanov.
