Qyzylaǵash sý qoımasyn keńeıtýge jergilikti bılik úkimetten 8,9 mlrd teńge surap otyr
Nysandy qaıta jańǵyrtý úshin 5 jyl ýaqyt jáne 5,6 mlrd teńge qarajat jumsaldy. Bóget barlyq talaptarǵa saı, qaýipsizdigi qamtasyz etilip salyndy.
Avtomattandyrylǵan júıe sý kólemin qadaǵalap otyrýǵa múmkindik beredi. Qazirgi tańda sý qoımasynda 20 mln tekshe metr sý jınalǵan. Al jalpy syıymdylyǵy 42 mln tekshe metr.
Mundaı sý kólemimen 5 myń gektardan astam alqapty sýarýǵa bolady. Biraq ol úshin egistikter ylǵal únemdeý tehnologııasyna kóshý kerek. Al qazir nebári 1,4 myń gektar ǵana sýarylýda. Sýarý júıesin jańartyp, uzartýǵa jergilikti bılik 8,9 mlrd teńge qarajat qajet dep úkimetke suraý salmaq.
«Qazir ákimdik te usynym jasady. Jobalaý-smetalyq qujattaryn jasady. Ary qaraı bizge mınıstrlikke qujattardy ótkizedi. Biz qarjy mınıstrliginen qarajat suraımyz. Ary qaraı qajettilik bar. Bul jalpy halyqqa, oblystyń ekonomıkasyna qajet. Biz ony qoldaýǵa daıynbyz. Ary qaraı qarjynyń shamasyna qaraı jumys isteımiz»,- dedi QR ekologııa, geologııa jáne tabıǵı resýrstar vıtse-mınıstri Serik Qojanııazov.