Qyzylaǵash aýylynda jıyrma úıdiń irgetasy kóterildi
ALDYQORǴAN. Naýryzdyń 30-y. QazAqparat /Sandýǵash Dúısenova/ - Sý tasqynynan zardap shekken Qyzylaǵash aýylynda 20-dan astam úıdiń irtetasy quıyldy.
Oblys ákiminiń baspasóz qyzmetinen habarlaǵandaı, bir úıdiń qabyrǵalary kóterilip, tóbesi jabyldy. Ekinshi úıde karkasty qurastyrý jumystary aıaqtaldy. Aýylda 58 merdigerlik kompanııa barlyǵy 450 úıdi jańadan salý, 17 úıdi kúrdeli jóndeýden ótkizý jumystaryna kiristi.
Aqsý, Kóksý, Sarqan aýdandary men Tekeli, Qapshaǵaı qalalarynyń táýligine 25-ten 100 myń danaǵa deıin óndirý qýaty bar kirpish zaýyttary qurylys jumystaryn qajetti kirpishpen qamtamasyz etetin bolady.
