Qyzylaǵash aýlynda qurylysy aıaqtalǵan úı qonystanýshylaryn tosýda
TALDYQORǴAN. Sáýirdiń 13-i. QazAqparat /Sandýǵash Dúısenova/ - Qyzylaǵash aýylynda «Almatyqalaqurylys» kompanııasy alǵashqy úıdiń qurylysyn aıaqtady.
Oblys ákimdiginiń baspasóz qyzmetinen málim etkendeı, sáýirdiń 12-sindegi jaǵdaı boıynsha Qyzylaǵash aýylynda 121 úıdiń qabyrǵasynyń kirpishteri qalanyp jatyr, 23 úıdiń karkasy aıaqtalsa, 9 úıdiń shatyry jabyldy. Qurylys jumystarymen quramynda úsh jarym myńnan astam jumyskeri bar 69 merdiger kompanııa aınalysýda.
QR Premer-Mınıstri Kárim Másimovtiń tóraǵalyǵymen ótken selektorlyq keńeste oblys ákimi Serik Úmbetov, ústimizdegi sáýir aıynyń sońyna deıin 35-40 úı paıdalanýǵa berilip, mamyr aıyndaǵy merekelerge deıin olarǵa alǵashqy qonys toıyn toılaýshylar kiretinin aıtqan bolatyn.
