Qyzyl teńizde keme apatqa ushyrap, 200-ge jýyq adam opat boldy
ASTANA. 7 shilde. QazAqparat - Afrıkadan Saýdııa Arabstanyna jetpek bolǵan 200-ge jýyq mıgrant Qyzyl teńizde keme apatynyń saldarynan qaza boldy,
dep habarlaıdy VVS telekompanııasy.
«Sýdan medıa-ortalyǵy» agenttiginiń aqparaty boıynsha, tek úsh jolaýshy ǵana aman qalǵan.
Aldyn-ala aqparat boıynsha, qaıǵyly oqıǵaǵa keme bortynan shyqqan órt sebep bolǵan. Keme - zańsyz mıgranttardy tasymaldaýmen aınalysqan Iemenniń tórt azamatyniki bolǵan. Olar Port-Sýdan shtatynda qamaýǵa alyndy.
VVS tilshisiniń habarlaýynsha, jyl saıyn Qyzyl teńiz arqyly Afrıkadan Saýdııa men Iemenge myńdaǵan zańsyz mıgrant tasymaldanady eken.
Maýsym aıynda Týnıs jaǵalaýynda Lıvııadaǵy azamattyq soǵystan qashqan 8-den astam bosqyn mingen parom aýdarylyp, 150 adam qaza bolǵan edi.
