Qyzyl sýdan zardap shekken aqmolalyqtar úshin esepshot ashyldy
ASTANA. QazAqparat - Aqmola oblysynda sý tasqynynan zardap shekken turǵyndarǵa kómek retinde aqshalaı qarajat aýdarý úshin arnaıy esepshot ashyldy, dep habarlady óńirdiń ishki saıasat basqarmasynan.
Aqshany Aqmola oblystyq Qazaqstan halqy Assambleıasy janyndaǵy «Qazaq tili men mádenıeti» oblystyq qoǵamdyq birlestiginiń esepshotyna jiberýge bolady.
Odan bólek, Kókshetaýda myna mekenjaılar boıynsha azyq-túlik pen ózge de zattardy qabyldaý pýnktteri ashyldy: «Qoǵamdyq kelisim» kommýnaldyq memlekettik mekemesi (Dostyq úıi, Gorkıı kóshesi), tel.72-28-58 (aqshalaı qarajat aýdarý máseleleri boıynsha) jáne 33-54-64 (qabyldaý pýnkti), «Nur Otan» partııasynyń oblystyq fılıaly (Áýelbekov kóshesi, 117, 1-qabat, 2-kabınet, tel. 72-23-15).
Rekvızıtter:
KZ77998JTB0000364839/ KZT
BSN 110840001138
Bank: «Tsesnabank» AQ Aqmola fılıaly
Bank rekvızıtteri: BSK TSESKZKA
Mekenjaı: Kókshetaý qalasy, Gorkıı kóshesi, 29b, 020000
Bank BSN 050641004464
KBE 18
KNP 119
Kıim-keshekter men zattardy, azyq-túlik pen qarajat jınaý Aqmola oblysynyń barlyq aýmaǵynda uıymdastyryldy. Máselen, Esil aýdanynyń Mádenıet úıinde birinshi qajettiliktegi azyq-túlikterdi qabyldaý pýnkti ashyldy.
Aýa temperatýrasynyń kóterilýine baılanysty sý tasqyny jaǵdaıy da kúsheıip, Aqmola oblysynyń Atbasar, Sandyqtaý aýdandarynda tótenshe jaǵdaı oryn aldy. Tabıǵı apat kóptegen otbasyn baspanasyz qaldyrdy. Halyqtyń kópshiligi zardap shekkenderge qol ushyn sozdy.
Atbasar aýdanyna 520 myń teńgeden astam somaǵa qajetti azyq-túlikter jiberildi. Azyq-túlik pen qajetti buıymdar qabyldaý jumystary áli de jalǵasýda.
