Qyzyl sharapqa áýes bolmańyz, semirtedi
ASTANA. 23 sáýir. QazAqparat - Keshkilik as aldynda qyzyl sharap ishý kóptegen álem elderinde qalypty úrdiske aınalǵan.
Munyń paıdasymen qatar, zııany da kóp ekenin reseılik ǵalymdar dáleldep otyr. Ǵylymı-zertteý ınstıtýty mamandarynyń aıtýynsha, alkogoldi ishimdikter adamdy esinen adastyrady, tipti eki bokal qyzyl sharaptyń ózi adamnyń ózin-ózi baqylaýyna kedergi keltiredi. Sonyń saldarynan adam ádettegi tamaqtaný normasyn baqylaı almaı, kalorııasy joǵary taǵamdardy tym kóp mólsherde paıdalanady eken. Sarapshylardyń zertteý jumystaryna myńnan asa adam qatysqan, nátıjesinde ishimdikten keıin arqaý bolǵan astyń maılylyǵy ádettegiden 9%-ǵa artyq ekeni belgili boldy.
Aıta keteıik, qazirgi tańda búkil álem oqymystylary arasynda qyzyl sharapqa qatysty qyzý talas-tartys júrip jatyr. Biri ishimdiktiń bul túri densaýlyqqa paıdaly dese, endi biri qyzyl sharaptyń qandaı túri bolmasyn, adam aǵzasyna zııandy degen málimdemelerin dáleldep álek, dep jazady "Alash aınasy" Meddaily.ru ınternet portalyna silteme jasap.
