Qyzyl sharap pen qulpynaı dıabetten qorǵaıdy
ASTANA. 23 qańtar. QazAqparat - Jıdektiń quramyndaǵy flavonoıd qandaǵy qant deńgeıin retteıdi eken. Ásirese antotsıandar qosylystary járdemdesedi. Ol tek qana qulpynaıda emes, sonymen birge qara qaraqatta, búldirgende jáne qarajıdekte bolady.
Shyǵys Anglııa ýnıversıtetiniń jáne London Koroldik kolledjiniń qyzmetkerleri osy qosylystarǵa baı ónimderdi belsendi tutyný ınsýlındik rezıstenttilik kórsetkishterin tómendetenine, qantty retteıtindigine senimdi. Sonymen qosa, qabynýdyń aldyn alady.
Sarapshylar osyǵan oraı shamamen 2000 áıeldi tekserdi, dep habarlady Meddaily. Ǵalymdar flavonoıdtardyń alty kishi synybyn tutyný kólemin baǵalaǵan. Sodan keıin qan úlgilerin qantty retteý jáne qabyný turǵysynan taldaǵan.
Antotsıandar men flavondardy jıi tutyný ınsýlınge rezıstenttilikti neǵurlym tıimdi tómendetken.
Al antotsıandardy joǵary deńgeıde tutyný, aıtqandaı, dıabetti ǵana emes, qabynýlar men júrek aýrýlarynyń da sozylmaly dertteri deńgeıin tómendetken.
