«Qyzyl» mártebesi bar adamdardyń vokzaldarǵa kirýi jıilep ketti – QTJ

NUR-SULTAN. QazAqparat – «Qazaqstan Temir joly» ulttyq kompanııasy barlyq iri vokzaldarda Ashyq jobasy engizilgenin jolaýshylardyń esine salady», dep habarlaıdy QazAqparat.

«Ulttyq tasymaldaýshy jolaýshylarǵa barlyq iri vokzaldarda Ashyq jobasy engizilgenin eske salady. Bul koronavırýsty juqtyrǵandar men baılanysta bolǵan adamdardyń kirip-shyǵýyn shekteıdi. Qazirgi ýaqytta «qyzyl» nemese «sary» mártebesi bar adamdardyń vokzal ǵımarattaryna ótý jaǵdaılary jıilep ketti. «QTJ» UK» AQ ashyq.kz! saıtynda ornalastyrylǵan beıtarap QR-kodtyń kómegimen óz mártebesin Ashyq qosymshasynda jáne Kaspi.kz saıtta aldyn ala tekserýdi suraıdy», - dep jazylǵan kompanııanyń málimetinde.

Buǵan deıin habarlaǵanymyzda, Aqtóbede bir aptada «qyzyl» mártebesi bar eki, «sary» mártebesi bar 9 adamnyń kópshilik orynǵa barǵany anyqtalyp, onyń bireýine aıyppul salynǵan.