«Qyzyl» mártebesi bar 296 adam temirjol vokzalynan úıine qaıtaryldy

NUR-SULTAN. QazAqparat – Ashyq baǵdarlamasy eldegi temirjol vokzaldarynda «qyzyl» mártebesi bar 296 adamdy anyqtaǵan, dep habarlaıdy QazAqparat tilshisi.

Temirjol salasyna Ashyq baǵdarlamasy engizilgen sátten bastap respýblıkalyq jáne oblystyq mańyzy bar vokzaldarda «qyzyl» mártebesi bar 296 adam, «sary» mártebesi bar 177 adam anyqtalǵan.

Oqshaýlaý rejımin eń kóp buzýshylar elordada tirkelipti. Bir ǵana Nur-Cultan vokzalynda 121 adamnyń «qyzyl» mártebesi bola tura, qoǵamdyq orynǵa kelgeni áshkere bolǵan. Mundaı olqylyq «Nurly jol vokzalynda da tirkelgen kórinedi.

Tasymaldaýshylardyń deregi boıynsha, vokzal ǵımarattaryna «qyzyl» jáne «sary» mártebesi anyqtalǵan adamdar jiberilmeıdi. Al oqshaýlaý talabyn búzǵandardyń málimeti jergilikti sanıtarlyq-epıdemıologııalyq baqylaý qyzmetine beriledi.