Qyzyl Krest dárigeri otbasyn atyp óltirip, óz-ózine qol saldy
ASTANA. QazAqparat - Amerıkalyq Qyzyl Krest uıymynyń medıtsınalyq dırektory doktor Djon Lýnetta óziniń otbasy múshelerin asa qatygezdikpen óltirip tastady. Ol áıelin, ulyn, ıtin atyp tastap, artynsha óz-ózine qol salǵan, dep habarlaıdy QazAqparat Laıf.rý saıtyna silteme jasap.
Olardyń denesin polıtseıler dúısenbi kúni keshke tapqan. Belgili bolǵandaı, sábı óziniń alǵashqy týǵan kúnine eki kún qalǵanda aıaýsyzdyqpen óltirilgen. Nevada polıtseıleri taıaýda olarǵa otbasylyq janjalǵa qatysty shaqyrtý túskenin rastady.
Detektıvtiń aıtýynsha, olardyń deneleri táýlikke jýyq jatyp qalǵan. Kórshileri qaza bolǵan áıeldi jaqsy qyrynan aıtýda, degenmen, onymen kóp kezdese bermegen: ol bar kúsh-jigerin balasyn tárbıeleýge, medbıke bilimin alýǵa jumsaıtyn.
Áıeldiń artynda basqa nekeden týǵan 10 jasar qyzy qaldy. Abyroı bolǵanda, atys kezinde ol úıde bolmaǵan. Doktor Lýnettamen kózi tirisinde tanys bolǵandar oqıǵaǵa sener-senbesin bilmeýde. Sebebi ol adamdardy, jumysyn, otbasyn, balasyn, janýarlardy jaqsy kóretin.
