Qyzyl kitapqa engen Ústirt ýrıaldary vıdeoǵa túsirildi
«Mańǵystaý oblysynda Qyzyl kitapqa engen Ústirt ýrıaldaryn birneshe aptaǵa sozylǵan úzdiksiz izdeý nátıjesi sátti aıaqtaldy. Osynaý tańqalarlyq tirshilik ıesin izdep tabýǵa kómektesken dostaryma úlken rızashylyǵymdy bildiremin. Tik jartastardan emin-erkin jóńkigen osynaý ańdardy syrttaı baqylaý sheksiz lázzatqa bóleıdi. Jas tólderi sanynyń kóp ekendigi de qýatady. Demek, bári jónimen degen sóz», - dep jazdy Azamat Sársenbaev Facebook paraqshasynda.
Ústirt ýrıaly Qazaqstannyń qyzyl kitabyna engen. Olardyń joıylyp ketý qaýpi bar. Bul janýardyń mekendeıtin jerinde adamdar da kóp júredi. Biraq, sońǵy jyldary olardyń sany artyp jatyr. Ýrıaldar teńiz deńgeıinen 6000 metr bıik ornalasqan taý bókterinde mekendeıdi. Keıde, qurǵaq, orman jáne aýyl sharýashylyǵy ornalasqan nysandardyń qasynda ómir súredi. Olar kóbinese Qazaqstannyń ońtústik-batysynda, Ózbekstanda, Túrikmenstanda, Tájikstanda, Aýǵanstanda, Pákistanda, Iran jáne Úndistan sııaqty elderde kezdesedi.