Qyzyl kitapqa engen ósimdikterdi qorǵaýdyń tıisti rásimderi jasalmaǵany anyqtaldy
ASTANA. QazAqparat - 2021 jylǵy maýsymda jer resýrstarynyń utymdy basqarylýyn, paıdalanylýyn jáne qorǵalýyn qamtamasyz etý, sondaı-aq geodezııa jáne kartografııa salasyndaǵy jer resýrstarynyń basqarylý tıimdiligine memlekettik aýdıt júrgizildi, dep habarlaıdy QazAqparat.
«Aýdıt barysynda Qazaqstannyń Qyzyl kitabyna engen ósimdikterdiń taralý arealynyń mártebesi, sondaı-aq qoldanystaǵy zańnamamen olardy qorǵaýdyń tıisti rásimi rettelmegeni anyqtaldy. Osyǵan baılanysty Qazaqstan Respýblıkasynyń Úkimetine Qazaqstan Respýblıkasynyń zańnamasyndaǵy olqylyqtardy joıý máselesin qaraý týraly usynym berildi», - dep jazdy Joǵary aýdıtorlyq palatanyń baspasóz qyzmetinen.
Osylaısha, 2023 jylǵy 2 qańtarda Qazaqstannyń Qyzyl kitabyna engizilgen ósimdikterdiń taralý aýmaqtaryn aıqyndaý tetigin jáne qorǵaý rásimin retteıtin «Ósimdikter dúnıesi týraly» Zań qabyldandy (16-bap).
