«Qyzyl kitapqa» engen qusty atqan qostanaılyq sottaldy
QOSTANAI. QazAqparat - Jangeldın aýdandyq soty Qostanaı aýdanynyń 31 jastaǵy turǵynyna qatysty qylmystyq isti qarady, dep habarlaıdy QazAqparat oblystyq sottyń baspasóz qyzmetine silteme jasap.
Qostanaı aýdanynyń turǵyny K. QR QK 339 baby boıynsha aıyptalýda. Ol sırek kezdesetin jáne quryp ketý qaýpi bar eki bezgeldek (latynsha ataýy - «Otistetrax») qusyn atqan. Bul qus Qazaqstan Respýblıkasynyń "Qyzyl kitabyna" engizilgen.
Sot sheshimimen azamat K. aıypty dep tanyldy. Oǵan 2 jyl merzimge bas bostandyǵynan aıyrý jazasy taǵaıyndalyp, probatsııalyq baqylaý ornatyldy. Buǵan qosa, sottalǵan K.-den keltirilgen zııannyń ornyn toltyrý úshin memleket paıdasyna 453 800 teńge qarajat óndirildi.
Úkim zańdy kúshine engen joq.
