«Qyzyl kitapqa» engen qusty atqan qostanaılyq 2 jylǵa sottaldy
QOSTANAI. QazAqparat - 2018 jyly aımaqta kıik atý boıynsha brakonerliktiń 8 faktisi tirkeldi. Bul týraly Qostanaı oblysy orman sharýashylyǵy jáne janýarlar dúnıesi aýmaqtyq ınspektsııasynyń basshysy Dáýit Jumabaev aıtty, dep habarlaıdy QazAqparat.
Ótken jyly zańsyz túrde 72 kıik atyldy, onyń ishinde 70-i - atalyq. Memleketke barlyǵy 257,5 mln teńge shyǵyn keltirilgen
«Brakonerlik faktilerden basqa derıvattardy (aqbóken múıizin) zańsyz saqtaý jáne tasymaldaýǵa baılanysty 4 oqıǵa esepke alyndy. 3 fakti boıynsha qylmyskerler anyqtalyp, qylmystyq jaýapkershilikke tartyldy. Barlyǵy 127 dana aqbóken múıizi tárkilendi», - deıdi vedomstvo basshysy.
Sonymen qatar ınspektsııasy mamandary reıdtik sharalar ótkizý barysynda Tobyl kentiniń turǵynyn ustady. Ol «Qyzyl kitapqa» engen shıqyldaq qazdy atqan.
Qamysty aýdandyq sotynyń sheshimi boıynsha ol zańsyz oljalanǵan qus úshin 721 500 teńge memleket shyǵynyn tólep, 2 jyl merzimge bas bostandyǵynan aıyryldy.
