Qyzyl kitapqa engen qaraquıryqtardy atqan brakonerler qolǵa tústi
TALDYQORǴAN. QazAqparat - Almaty oblysynda Qyzyl kitapqa engen qaraquıryqtardy atty degen kúdikpen ańshylar ustaldy, dep habarlaıdy QazAqparat.
Oblystyq polıtsııa departamentinde málim etilgendeı, brakonerlik faktisi Panfılov jáne Uıǵyr aýdanynda anyqtalǵan. Osy aımaqtardyń jergilikti turǵyndary Qyzyl kitapqa engen qaraquıryqtardy aýlaǵan. Eki faktini de polıtseıler tabıǵat qorǵaý organdarynyń qyzmetkerlerimen birge anyqtady.
«Uıǵyr aýdanynda ustalǵan úsh brakonerden qaraquıryqtyń tutas eti, 7,62 mm kalıbrli «Tıgr» ıir oıyqty myltyǵy, 12 mm kalıbrli ańshylyq qosaýyzy, sondaı-aq oq-dáriler tabylyp, tárkilendi. Panfılov aýdanynda ustalýshydan eki atys qarýy, ıaǵnı «Mosına» vıntovkasy jáne 12 kalıbrli qosaýyz myltyq, patrondar men qaraquıryq eti tárkilendi. Qaraquıryqtyń etin brakonerler ÝAZ kapotynyń astyndaǵy arnaıy qupııa orynǵa jasyryp qoıǵan. Eki fakti boıynsha QR QK 337 jáne 339-baptary boıynsha qylmystyq is qozǵaldy», - dep túsindirdi vedomstvonyń baspasóz qyzmetinen.
Jalpy, óńirde jyl basynan beri brakonerlikpen baılanysty 600 fakti anyqtalǵan.
