Qyzyl kitapqa engen aǵashty kesken almatylyq fermer jaýapkershilikke tartylmaq
TALDYQORǴAN. QazAqparat - Almaty oblysynda 40 jasar ferma ıesi Qyzyl kitapqa engizilgen 25 jas óskin torańǵy aǵashtaryn kesip tastaǵany úshin qylmystyq jaýapkershilikke tartylady.
Panfılov aýdanynyń prokýrory Aıdyn Tórebekovtyń habarlaýynsha, ferma ıesi ony Darbazaqum ýchaskesinen kesip alyp, qoıǵa qorshaý jasaǵan. Ol paıdalanýǵa tyıym salynǵan sırek, joıylyp ketý qaýpinde turǵan ósimdikti zańsyz óndirgeni, saqtaǵany, sonymen qatar joıǵany úshin aıyptalyp, oqıǵaǵa qatysty qylmystyq is qozǵaldy.
Qazirgi ýaqytta atalmysh azamattyń ósimdikter men janýarlar álemine qanshalyqty shyǵyn ákelgendigi anyqtalýda. Al, sharýashylyq ıesi bolsa aǵashtyń zańmen qorǵalatyndyǵyn bilmegendigin alǵa tartady.
Almaty oblysy Tabıǵı resýrstar jáne tabıǵatty paıdalanýdy retteý basqarmasy Jarkent orman sharýashylyǵynyń anyqtamasyna sáıkes, torańǵy muz kezeńin ótkergen terektiń jurnaǵy eken. Ol joıylyp bara jatqan ósimdik túri retinde Qyzyl kitapqa engizilgen.
