Qyzyl ǵalamshardaǵy sý: Mars Express muz basqan krater sýretterin jiberdi

ASTANA. QazAqparat - Eýropa ǵarysh agenttiginiń Mars Express ǵalamshararalyq avtomatty stansasy muz qatyp jatqan Korolev krateriniń sýretterin Jerge jiberdi, dep habarlaıdy «QazAqparat» HAA Agenttiktiń resmı saıtyna silteme jasap.

Mars Express 2003 jyldyń 2 maýsymynda ǵaryshqa ushqan bolatyn. Alty aıdan keıin apparat Marsqa jetip, onyń orbıtasyna shyqqan. Jeltoqsan aıynda Eýropa ǵarysh agenttigi mıssııanyń 15 jyldyǵyn toılady, al spýtnıkten alynǵan sýretter mereıtoıǵa laıyqty tartý boldy. Fotosýretter dáldigi joǵary HRSC stereokameralarymen túsirilgen. Sýretterden tys, spýtnık ǵalymdarǵa Korolev atyndaǵy kraterdiń topografııalyq derekterin de jiberdi.

Kraterdiń dıametri - 82 kılometr. Ol ǵalamshardyń soltústik polıarlyq bóligindegi tóbelikterdiń ońtústik jaǵynda ornalasqan. Sýdan qatqan muzdyń tereńdigi 1,8 kılometrge jetedi. Muz qabatynyń ústindegi atmosferanyń tabıǵı jolmen salqyndaýy kraterdegi muzdy erip ketýden saqtaıdy.