«Qyzyl» aımaqtaǵy Atyraýda indet juqtyrǵandar sany artty
Atyraý oblystyq densaýlyq saqtaý basqarmasynyń baspasóz qyzmetiniń málimetine súıensek, bir táýlikte qaýipti indetti 95 adam juqtyryp otyr. Onyń ishinde 25 naýqas Atyraý qalasynda tirkelgen. Koronavırýsty juqtyrýshylar deni burynǵysha Teńiz kenishinen shyqqan. Ótken táýlikte atalǵan ken ornynda jumys isteıtin 58 jumysshy qaýipti indetke shaldyqqan. Sondaı-aq, Maqat aýdanynda 4, Mahambette – 2, Qurmanǵazy aýdanynda 6 adamnan Sovid-19 ınfektsııasy anyqtalǵan.
«Qazir Sovid-19 ınfektsııasyn juqtyrǵan naýqastardyń 14-inde ınfektsııanyń sımptomdy túri rastaldy. Olardyń úsheýinde koronavırýs belgisi medıtsınalyq tekseris kezinde anyqtalsa, 2 adam naýqaspen baılanysta bolǵan. Al, 9 adam indettiń klınıkalyq belgisine baılanysty medıtsınalyq mekemege óz erkimen júgingen», - dep habarlady basqarmanyń
baspasóz qyzmetinen.
Atyraýda sońǵy táýlikte koronavırýs ınfektsııasynan emdelip shyqqandar tirkelmegen. Qazir 307 naýqas úı jaǵdaıynda, al oblystyq ınfektsııalyq statsıonarda 71 naýqas, aýdandardaǵy statsıonarda 13 patsıent emdelýde. Jylyoı aýdanynda ornalasqan Teńiz kenishindegi ınfektsııalyq statsıonarda jatqan naýqastardyń sany 308 adamǵa jetip otyr.
Teńiz kenishinde qaýipti indetti juqtyrýshylardyń kóbeıýiniń bir sebebin budan buryn «Teńizshevroıl» JShS-niń Úkimetpen jáne jurtshylyqpen baılanys bóliminiń bas menedjeri Rzabek Artyǵalıev aıtqan edi.
«Merdiger mekemelerdiń keıbir qyzmetkerleri sanıtarlyq beketterden jalǵan PTR-test anyqtamalardy kórsetý arqyly ótken faktiler anyqtaldy. Osyndaı qyzmetkerlerge berilgen ruqsattar dereý joıyldy. Óreskel faktiler týraly tıisti memlekettik organdarǵa habarlandy. Resmı tergeý júrgiziledi dep kútilýde», - dedi Rzabek Artyǵalıev.
Al Jylyoı aýdandyq polıtsııa bólimi Teńiz polıtsııa bólimshesiniń qyzmetkerleri ken
ornyndaǵy blokpostty aınalyp ótpek bolǵan bir top adamnyń jolyn keskenin jazǵan edik.
Atalǵan bólimsheniń patrýldik polıtsııa ınspektory, polıtsııa kapıtany Tileýke Qumarov blokpostty aınalyp, ken ornyna qaraı baǵyt alǵan «Lada Granta» avtokóligin baıqaǵan.
Ol bul týraly basshylyqqa habarlap, ózi toqtatý úshin atalǵan kólikke bet alǵan. Sol
sátte oǵan kómekke áriptesteri kelgen.
«Polıtseıler Qulsary qalasynda turatyn 31 jastaǵy azamattyń basqarýyndaǵy kólikti
vahtalyq kentke kireberiste toqtatty. Júrgizýshiden ózge salonda tórt er adam bolǵan.
Olardyń ekeýi Orynbor qalasynda turatyn Reseı azamattary bolyp shyqty. Qujattardy tekserý kezinde úsh jolaýshynyń, onyń ishinde bir reseılik azamattyń qolynda PTR-testten ótkendigi týraly anyqtama bolmaı shyqty. Kóliktegiler «Teńiz» vahtalyq kenti
aýmaǵynda ornalasqan kompanııalardyń birine barýdy kózdegen», - dep habarlady
oblystyq polıtsııa departamentiniń baspasóz qyzmeti.
Oblystyq sanıtarlyq-epıdemıologııalyq baqylaý departamenti dárigerleriniń
karantındik shekteý sharalary paıyzy vahtalyq aýysymǵa ózge óńirlerden kelgen
azamattar quraǵany anyqtalǵan.
«Bıylǵy 7 jeltoqsanda qalada aýrýdyń eń joǵary deńgeıi – 19 jaǵdaı tirkeldi. Al,
oblys boıynsha – 61 jaǵdaı. Onyń ishinde 19 naýqastyń ekeýi – Atyraý qalasynyń
turǵyndary, qalǵan 17-si – vahtalyq aýysymǵa kelgen kompanııalardyń biriniń
qyzmetkerleri. Qalalyq sanıtarlyq-epıdemıologııalyq baqylaý basqarmasynyń
qyzmetkerleri júrgizgen epıdemıologııalyq tekserý barysynda «Maten Petrolıým»
kompanııasynyń qyzmetkerleri vahtaǵa barý úshin PTR-taldaýyn tapsyrǵany anyqtaldy.
Sonymen qatar, jumysqa kirisý úshin qyzmetkerler karantındik statsıonarda 7 kún jatýy kerek. Al 7-shi kúni PTR-taldaýdy tapsyrýy tıis. Eger PTR-taldaýy teris bolsa, olar jumysqa jiberiledi», - deıdi Atyraý qalalyq sanıtarlyq-epıdemıologııalyq baqylaý basqarmasynyń basshysy Qanat Ǵaınedenov.
Onyń aıtýynsha, «Maten Petrolıým» kompanııasy tarapynan birqatar buzýshylyqtar anyqtalǵan.
«Qyzmetkerler ornalasqan qonaq úılerdiń jaǵdaıy sanıtarlyq normalar men
erejelerdiń talaptaryna sáıkes kelmedi. Sonymen birge, basshylar da, qyzmetkerler de adamdardy karantınge ornalastyrǵany týraly habardar etpedi. Sondaı-aq, qyzmetkerlerdiń jaǵdaıyn baqylaý úshin medıtsınalyq qyzmetkerler bolǵan joq», - dedi Q.Ǵaınedenov.
Sonymen qatar, qonaq úıge ornalasqandarǵa arnalǵan jeke qorǵanys quraldary shekteýli
mólsherde berilgen. «Maten Petrolıým» jumysshylarynyń ózderi qonaqúıde erkin
qozǵalyp, birge tamaqtanǵan. Oqshaýlaý talaptaryn buzyp, bir bólmede eki-úsh adam
turǵan. Naýqastarmen baılanysta bolǵan segiz adam qonaq úıden múldem ketip qalǵan.
Shekteý sharalarynyń buzǵan osyndaı derekke baılanysty «Maten Petrolıým»
kompanııasyna ákimshilik quqyq buzýshylyq týraly hattama toltyrylyp, 1600 AEK (3 644
800 teńge) mólsherinde aıyppul salynǵan.