«Qyzyl» aımaqtaǵy Atyraýda eki kúnde 654 adam koronavırýs juqtyrdy
Oblystyq densaýlyq saqtaý basqarmasynyń baspasóz qyzmetinen málim etkendeı, 12 shildede 334, al, keshe, 13 shildede 320 adamnan qaýipti vırýstyń belgisi anyqtalǵan.
Eki kúnde Atyraý qalasynda 495 naýqas anyqtalǵan.
Al, Teńiz kenishinde - 26, Jylyoı aýdanynda - 40, Inderde – 24, Qurmanǵazyda – 22, Isataıda – 17, Mahambette – 13, Qyzylqoǵada – 11, Maqat aýdanynda 6 adam koronavırýs ınfektsııasyna shaldyqqan.
«Qazir ınfektsııalyq statsıonarlarda 824 naýqas qaýipti vırýsqa qarsy em qabyldap jatyr. Onyń ishinde modýldik aýrýhanada 194, aýdandardaǵy statsıonarlarda 184, №2 oblystyq aýrýhanada 172, kardıologııalyq ortalyqta 109, ftızıopýlmanologııalyq ortalyqta 91 patsıent oqshaýlandy. Sondaı-aq, Teńiz ken ornyndaǵy statsıonarda 74 adam emdelýde. Buǵan qosa, úıinde emdelý úshin oqshaýlanǵan naýqastar sany – 1 282 adam» dep habarlady basqarmanyń baspasóz qyzmetinen.
Eske sala ketelik, budan buryn Atyraý oblysynda úsh kúnde koronavırýs juqtyrǵandar 46 paıyzǵa óskenin jazǵan edik.
