«Qyzyl» aımaqtaǵy Atyraý oblysynda koronavırýs juqtyrýshylar sany azaımaı tur
ATYRAÝ. QazAqparat – «Qyzyl» aımaqtaǵy Atyraý oblysynda koronavırýs juqtyrýshylar sany azaımaı tur, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, ótken táýlikte 567 adam COVID-19 ınfektsııasyn juqtyrǵan.
«Qaýipti vırýsqa shaldyqqandar sany Atyraý qalasynda órship tur. Munda bir táýlikte 376 naýqas tirkeldi. Al, Teńiz ken ornynda 45 jumysshynyń koronavırýsqa shaldyqqany anyqtaldy. Jylyoı aýdanynda 80, Qyzylqoǵada – 33, Mahambette – 14, Qurmanǵazyda –11, Inderde – 7, Maqat aýdanynda 1 adamnan COVID-19 ınfektsııasynyń belgili tabylyp
otyr. Bir naýqas qaıtys boldy», -dep málim etti basqarmanyń baspasóz qyzmetinen.
Ótken táýlikte 99 adam koronavırýstan emdelip shyqqan.
Sońǵy aptada úı jaǵdaıynda em-dom qabyldap jatqandar sany kóbeıgen. Qazir 5 914 adam óz úıinde emdelip jatyr. Sondaı-aq, Teńiz ken ornyndaǵy ınfektsııalyq statsıonarda– 285, modýldik aýrýhanada – 169, aýdandardaǵy statsıonarlarda – 70, al №2 oblystyq aýrýhanada – 56, ftızıopýlmanologııalyq ortalyqta 53 naýqas hattamaǵa sáıkes emdelýge oqshaýlanǵan.
Eske sala ketelik, buǵan deıin Atyraý oblysynda koronavırýspen aýyrǵandar sany 6 myńnan asqanyn habarlaǵan edik.
