«Qyzyl» aımaqtaǵy Atyraý oblysynda epıdemıologııalyq ahýal kúrdelene tústi
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, 10 qańtarda qaýipti vırýstyń belgisi 243 adamnan tabylǵan.
«Koronavırýs ınfektsııasyn juqtyrý Atyraý qalasynda órship tur. Munaıly qalada Covid-19 ınfektsııasynyń 193 jaǵdaıy rastaldy. Al, Teńiz ken ornynda 30 naýqas anyqtaldy. Qyzylqoǵa aýdanynda – 10, Qurmanǵazy aýdanynda 10 adam indetke shaldyqty. Qaýipti vırýstyń sımptomdy belgisi 140 naýqasta bar», - dep habarlady basqarmanyń baspasóz qyzmeti.
Keshe koronavırýs ınfektsııasynan 14 adam emdelip shyqqan. Qazir 341 adam úı jaǵdaıynda emdelý úshin oqshaýlanǵan. Al, modýldik aýrýhanada – 170, Teńiz ken ornyndaǵy ınfektsııalyq statsıonarda – 176, aýdandardaǵy statsıonarlarda 17 patsıent em-dom qabyldap jatyr.
Eske sala ketelik, budan buryn Atyraý oblysynda koronavırýs ınfektsııasyn juqtyrý qaıta órshigenin habarlaǵan bolatynbyz.