«Qyzyl» aımaqtaǵy Atyraý oblysynda buqaralyq is-sharalardy ótkizýge ruqsat etildi
Bul týraly óńirlik kommýnıkatsııalar qyzmetiniń alańynda ótken brıfıngte oblystyq sanıtarııalyq-epıdemıologııalyq qadaǵalaý departamenti basshysynyń orynbasary Álııa Bekesheva málim etti.
«Keshe, 27 qańtarda Qazaqstannyń Bas memlekettik sanıtarııalyq dárigeriniń mindetin atqarýshy Aıjan Esmaǵambetova qoldanystaǵy karantındik shekteýlerdi jeńildetýdi kózdeıtin jańa qaýlyǵa qol qoıdy. Osyǵan baılanysty epıdemıologııalyq qaýip aımaǵyna («jasyl», «sary», «qyzyl») qaramastan qyzmetkerler men kelýshilerdiń qaýipsiz «jasyl» mártebesimen jumys isteıtin obektiler úshin shekteýler alynyp tastaldy. Saltanatty, estelik, oıyn-saýyq, sporttyq is-sharalardy, kórmelerdi, konferentsııalardy, forýmdardy ótkizýge ruqsat etiledi. Sport keshenderiniń, saýyqtyrý jáne dinı, oıyn-saýyq obektileriniń (oıyn klýbtary, kazıno, túngi klýbtar, karaoke), saýda jelileriniń (saýda alańy 1000 sharshy metrden asatyn azyq-túlik emes jáne saýda alańy 6000 sharshy metrden asatyn azyq-túlik emes), basseınderdiń jumysy toqtatylmaıdy», -dedi Álııa Bekesheva.
Eske sala ketelik, budan buryn Atyraý oblysynda karantın sharalary kúsheıtilip, oqýshy sany 600-den asatyn mektepterde sabaq onlaın ótetinin habarlaǵan bolatynbyz.
