«Qyzyl» aımaqtaǵy Atyraý oblysynda 92 adam koronavırýs juqtyrdy
ATYRAÝ. QazAqparat – «Qyzyl» aımaqtaǵy Atyraý oblysynda taǵy 92 adam koronavırýs juqtyrdy, dep habarlaıdy QazAqparat.
Atyraý oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, ótken táýlikte koronavırýs juqtyrǵan naýqastardyń arasynda Atyraý qalasynan 24 adam bar.
Teńiz kenishinde - 57 jumysshydan, Qurmanǵazy aýdanynda - 11 adamnan Sovid-19 anyqtalǵan. Onyń ishinde 14 naýqasta qaýipti vırýstyń sımptomdary tabylǵan.
«Ótken táýlikte 134 adam qaýipti indetten jazylyp shyqty. Qazir 240 adam úı jaǵdaıynda emdelýde. Oblystyq ınfektsııalyq statsıonarda 98, al aýdandardaǵy statsıonarlarda 27, Teńiz kenishindegi statsıonarda 803 adam em qabyldap jatyr» -dep habarlady basqarmanyń baspasóz qyzmetinen.
Eske sala ketelik, budan buryn Atyraýda Teńiz kenishi men barlyq aýdanda koronavırýs juqtyrǵandar anyqtalǵan edi.
