«Qyzyl» aımaqqa ótken SQO-da karantın sharalary kúsheıtiledi
Qazaqstan aımaqtaryndaǵy epıdemıologııalyq jaǵdaıdy baǵalaý matrıtsasyna sáıkes, SQO búginnen bastap «qyzyl» aımaqta ornalasqan, óńirdiń belgili bir aımaqta bolýyna 100 myń turǵynǵa shaqqandaǵy aýrýshańdyq, sondaı-aq ınfektsııanyń taralý deńgeıin kórsetetin reprodýktıvti san áser etedi.
SQO sanıtarııalyq-epıdemıologııalyq baqylaý departamentiniń basshysy Áset Jumataevtyń aıtýynsha, keshe oblystyq VAK sheshim qabyldady, sonyń negizinde jańa qaýlyǵa qol qoıyldy jáne 14 shildeden bastap kelesi shekteýler engiziledi:
1) «Ashyqqa» qatyspaıtyn mádenıet nysandarynyń, teatrlardyń, kınoteatrlardyń, kontsert zaldarynyń jáne fılarmonııalardyń jumysy toqtatylady. «Ashyqty» engizgen obektiler tolymdylyǵyn 30%-dan asyrmaı jumys isteı alady.
2) saýda-oıyn-saýyq ortalyqtarynyń, saýda úıleriniń, jabyq azyq-túlik emes bazarlardyń, aýmaǵy 2 myń sharshy metrden asatyn saýda nysandarynyń jumys ýaqyty saǵat 9.00-den 18.00-ge deıin shekteledi, adam sany 50 %-dan aspaýy qajet.
3) jumys kúnderi saýnalardyń, basseınderdiń, sport obektileriniń, fıtnes-ortalyqtardyń jumys ýaqyty saǵat 7.00-den 20.00-ge deıin shekteledi. «Ashyqqa» qatyspaıtyn nysandar senbi jáne jeksenbi kúnderi jumys istemeıdi, «Ashyqty» engizgen nysandar saǵat 7.00-den 20.00-ge deıin jumys isteı alady;
4) kórermenderdiń qatysýymen sporttyq is-sharalardy ótkizýge tyıym salynady;
5) mektepke deıingi balalar uıymdarynda tek kezekshi toptardyń (15 adamnan asyrmaı) jumysyna jáne balalardyń túzetý kabınetteriniń, balalar men eresekterdiń bilim berý ortalyqtaryna aldyn ala jazylý boıynsha 15 adamnan asyrmaı jumys isteýine ruqsat etiledi;
6) qyzmetkerlerdiń keminde 80 %-y qashyqtan jumys isteýge aýystyrylady;
7) «Ashyqqa» qatyspaıtyn nysandar úshin qoǵamdyq tamaqtaný obektileriniń jumys ýaqyty saǵat 9.00-den 18.00-ge deıin shekteledi, tolymdylyǵy 50 %-dan jáne 30 orynnan aspaıdy. «Ashyqty» engizgen obektilerdiń tolymdylyǵy 50 %-dan jáne 50 orynnan aspaıdy, keshki saǵat 8.00-ge deıin jumys isteı alady;
8) halyqtyń turatyn jerlerinde qyzmet kórsetetin obektiler tolymdylyǵy 80 %-dan aspaǵan kezde jumys isteı alady;
9) sulýlyq salondaryna, shashtarazdarǵa aldyn ala jazylý boıynsha, bankterge, HQKO-larǵa, Qazposhta bólimshelerine saǵat 9.00-den 18.00-ge deıin jumys isteýge bolady.
10) balalardy saýyqtyrý lagerleriniń tolymdylyǵy 50 %-dan aspaýy tıis.
Buǵan deıin SQO-da bir apta ishinde koronavırýsty juqtyrǵandardyń eki ese artqanyn aıtqan edik. Aýyrǵandardyń basym bóligi 40 jasqa deıingi jastar. Sonymen qatar, búgin Soltústik Qazaqstan oblysy«qyzyl» aımaqqa ótti.
