«Qyzyl» aımaqqa aýysqan Qyzylordada epıdemıologııalyq ahýal kúrdelene tústi
Qyzylorda oblysynda epıdemıologııalyq ahýal kúrdelene tústi.
Óńir elimiz boıynsha 2-14 shilde aralyǵynda «sary aımaq» qatarynda boldy. Al keıingi úsh kúnde «qyzyl aımaqqa» endi.
2020 jyldan búgingi kúnge deıin koronavırýs ınfektsııasymen 8089 adam tirkeldi. Aıta keterligi, 16 shildede 110 adam qaterli indet quryǵyna ilikse, ol 17 shildede 112 adamǵa jetti.
«Oblys boıynsha ınfektsııalyq statsıonarda júkteme 66 paıyzdy qurasa, reanımatsııalyq tósek-orynda ol 40 paıyzǵa jýyq. Oblys kóleminde 14 statsıonarda 585 ınfektsııalyq tósek-oryn ashylǵan bolatyn. Onyń ishindegi reanımatsııalyq tósek-oryn sany - 91. Shilde aıynda koronavırýs ınfektsııasynyń epıdemıologııalyq ahýaly kúrdelendi. Oblysta atalǵan indetti juqtyrǵan naýqastar sany artty. Nátıjesinde 7 shildede ınfektsııalyq tósek-oryn sany 100 tósek-orynǵa kóbeıip, barlyǵy 685-ke jetkizildi. Ol 3 shildeden bastap ınfektsııalyq tósek-oryn sany 760-qa kóbeıtilse, 17 shildeden bastap 1240 tósek-orynǵa jetti», - dedi oblystyq densaýlyq saqtaý basqarmasynyń basshysy Sábıt Pazılov.
Bıyl 1 aqpanynan bastap óńirge barlyǵy 408 625 doza vaktsına jetkizilgen bolatyn.
Sol ýaqyttan bastap 15 shildege deıin vaktsınatsııanyń 1 komponentimen 206 myńnan astam adam ekpe saldyrsa, 2 komponent boıynsha 118 myńnan astam adam ekpe aldy.
