«Qyzyl» aımaq: Atyraýda 2 907 naýqas koronavırýstan emdelip jatyr

ATYRAÝ. QazAqparat – «Qyzyl» aımaqtaǵy Atyraý oblysynda koronavırýstan 2 907 naýqas emdelip jatyr. Onyń ishinde ınfektsııalyq statsıonarlarda –1 013, úıinde emdelý úshin 1 894 patsıent oqshaýlanǵan, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmeti taratqan málimetke qaraǵanda, 16 shildede - 342, al, keshe, 17 shildede - 277 adam qaýipti vırýsqa shaldyqqan.

Máselen, sońǵy eki kúnde Atyraý qalasynda koronavırýs ınfektsııasyn juqtyrýdyń 469 deregi anyqtalǵan.

Sondaı-aq, Teńiz kenishinde 28, Jylyoı aýdanynda 27, Inderde – 22, Qyzylqoǵada – 18, Isataıda – 17, Mahambette – 17, Qurmanǵazyda – 10, Maqat aýdanynda 16 adamnan qaýipti vırýstyń belgisi tabylǵan.

«Qazir óńirdegi ınfektsııalyq statsıonarlarda 1 013 naýqas emdelip jatyr. Onyń ishinde aýdandardaǵy ınfektsııalyq statsıonarlarda – 240, modýldik aýrýhanada – 203, №2 oblystyq aýrýhanada – 199, kardıologılyq ortalyqta – 110, temirjol aýrýhanasynda 95 patsıent emdelýde. Jylyoı aýdanynda ornalasqan Teńiz kenishindegi statsıonarda – 95, al, ftızıopýlmanologııalyq ortalyqta 95 naýqas em qabyldaýda» -dep habarlady basqarmanyń baspasóz qyzmeti.

Sondaı-aq, úıinde em-dom qabyldaý úshin 1 894 adam oqshaýlanǵan.

Eske sala ketelik, buǵan deıin Atyraýda eki kúnde 654 adam koronavırýs juqtyrǵan bolatyn.