Qyzy dalaǵa tastaǵan sal áıel Abaı qalasynyń kóshesinde úsh kún jatqan
ASTANA. QazAqparat - Abaı qalasynda úsh táýlik boıy kóshede jatqan sal áıel ońaltý ortalyǵyna ornalastyryldy, dep habarlaıdy QazAqparat ekaraganda.kz saıtyna silteme jasap.
52 jastaǵy Svetlana 20 kún boıy ońaltý ortalyǵynda jatqan, keıin ony aýrýhanadan shyǵarǵan. Biraq, onyń baratyn jeri bolmaǵan. Svetlananyń aqshasy men qujattary da joq, onyń qyzy anasynan bas tartqan. Týystary men tanystary da qabyldamaǵan.
BAQ-ta ashyq aspan astynda úsh kún boıy qozǵalyssyz otyrǵan áıel týraly maqala jarııalanǵannan keıin, kóptegen adamdar kómek qolyn sozdy. Sol jerge bılik, polıtsııa qyzmetkerleri men dárigerler kelgen.
«Biz Svetlana otyrǵan jerge qaıtyp kelgende, ol jerde ákimdik ókilderi, depýtattar, polıtsııa boldy. Olar jedel járdem shaqyryp, áıeldi aýrýhanaǵa jibergen», - dedi polıtsııaǵa habarlaǵan qala turǵyny.
Qaraǵandy oblystyq ІІD-de habarlanǵandaı, áıel ońaltý ortalyǵyna ornalastyryldy. Ýchaskelik polıtsııa qyzmetkerleri áıeldiń týystaryn anyqtap jatyr.
