Qyztekelerdi elge kirgizbeý týraly sheshim shyǵaryldy
ASTANA. 11 qazan. QazAqparat - Kýveıt pen Parsy shyǵanaǵyndaǵy birqatar arab memleketteri el aýmaǵyna ótkisi keletin sheteldik qyztekelerdi áýejaılarda anyqtap, kelgen jaqtaryna qaıtarýǵa múmkindik beretin júıeni iske qospaq. Bul týraly muslim.kz habarlady.
El úkimetiniń ókili ıÝsýf Mındkardyń málimdeýinshe, budan bylaı Kýveıt aýmaǵyna gomoseksýaldy jandardyń enýine jol joq. Qyztekelerdiń jolyn kesetin júıeni engizýdi kózdep otyrǵan Kýveıt, Saýd Arabııasy, Oman jáne Birikken Arab Ámirlikteriniń bul bastamasyna Katar men Bahreınniń qosylatyny nemese qosylmaıtyny jóninde habar joq.
Qazirgi ýaqytta medıtsına mekemeleri el aýmaǵyna engisi keletin sheteldikterdiń densaýlyǵyna tekserý júrgizip jatyr. Alaıda, olar qandaı jolmen qyztekelerdi anyqtaıtyndaryn, qandaı qural-jabdyqtardy paıdalanatynyn Kýveıt sheneýnigi aıtqan joq.
Kýveıt zańy boıynsha, bul elde bir jynystylardyń qarym-qatynasyna tyıym salynǵan. Áshkere bolǵandary abaqtaǵy jamylyp, aıyppul tóleıdi. Mundaı zań Parsy shyǵanaǵy elderiniń kóbisinde kezdesedi. Máselen, Saýd Arabııasynda tósek qatynasyna barǵan bir jynystylar ólim jazasyna kesiledi.
