Qyzmettik úıde turatyn 400-den astam áskerı jekeshelenetin baspanaǵa kóshýge asyqpaı otyr
2018 jyly turǵyn úı zańnamasyna engizilgen túzetýlerden keıin Qarýly kúshterde 10 jyldan 20 jylǵa deıin qyzmet etken adamdarǵa qaldyq quny boıynsha jekeshelendirýge bolatyn turǵyn úıge aıyrbastaý quqyǵy berildi.
2018 jylǵy 1 qańtardaǵy jaǵdaı boıynsha jekeshelendirýge jatpaıtyn turǵyn úıde 742 adam turǵan.
Onyń 335-i óz quqyǵyn paıdalanǵan. Olar qyzmettik turǵyn úıdi qaldyq quny boıynsha jekeshelendiretin qalalyq páterge aýystyrdy.
Búgingi tańda turǵyn úı aıyrbastaý quqyǵyn paıdalanbaǵan zeınetkerlerdiń negizgi bóligi Almaty, Gvardeısk, Saryózek, Qapshaǵaı jáne Jetigen garnızondarynda turyp jatyr.
Qorǵanys vedomstvosynyń ókilderi belsendi aqparattyq-túsindirý jumysyn júrgizip jatyr.
Sonyń nátıjesinde atalǵan adamdardyń turǵyn úımen almasý máselesin sheshýde oń ózgeris baıqalady.
Bul máseleni sheshý úshin Almaty garnızonynda 240 páterlik 2 turǵyn úıdiń qurylysy bastaldy. Búgingi kúni jobalyq-smetalyq qujattama túzetilip jatyr.