Qyzmettik planshetterdiń lombardqa ótkizilýi: Shymkent polıtsııasy túsinik berdi

ShYMKENT. QazAqparat – Shymkent qalalyq Polıtsııa departamenti qyzmettik planshetterdi lombardqa ótkizý faktilerin joqqa shyǵardy, dep habarlaıdy Polisia.kz.

Jýyrda keıbir BAQ-tar eks-polıtseıdiń sózine súıenip, polıtseıler 30-dan astam qyzmettik gadjetti lombardqa ótkizip jibergendigi týraly aqparat taratty. Alaıda, Shymkent Polıtsııa departamentiniń baspasóz qyzmeti bul málimet shyndyqqa janaspaıtynyn aıtty.

«Shymkent qalasy Polıtsııa departamenti Ózindik qaýipsizdik basqarmasynyń burynǵy qyzmetkeri F. Sháripbaıulynyń tergeý jumystaryna qatysy (planshetterdi lombardqa tapsyrý isi– red.) bolǵan joq. Lombardqa qyzmettik planshetterdi tapsyrý faktileri qaýeset bolyp tabylady», – dep habarlady departamentten.

Alaıda, málim etilgendeı, qyzmettik múlikti paıdalaný tártibin buzǵany jáne basshylyq tarapynan jiberilgen baqylaýsyzdyq úshin birqatar laýazymdy tulǵa qatań tártiptik jaýapkershilikke tartylǵan.

Taratylǵan aqparatqa sáıkes, 2019 jyldyń qyrkúıeginde Shymkent Polıtsııa departamentiniń Ózindik qaýipsizdik basqarmasy qyzmettik planshetterdi lombardqa tapsyrýdyń birneshe faktisin anyqtaǵan. Biraq tekserý kezinde barlyq planshetter polıtseılerdiń qoldanysynda, ıaǵnı vedomstvoda bolyp shyqqan.