Qyzmettik ıtterdiń óltiriletini týraly aqparat - jalǵan
NUR-SULTAN. QazAqparat - WhatsApp messendjerinde jeli qoldanýshylary áskerı bólimniń jabylýyna baılanysty 20 qyzmettik ıttiń óltirilgeni týraly habarlama taratyp jatyr.
Sondaı-aq ıtti asyrap alatyn adam bolsa alýyna bolady, dep aqparat –jalǵan, dep habarlaıdy stopfake.kz.
Jaqyn arada óltiriletin ıtter týraly aqparat Reseıde keminde 2013 jyly, al keıbir málimetter boıynsha, oǵan deıin taraǵan.
Alaıda, óltiriletin qyzmettik ıtterdiń shyn bar ekendigine eshqandaı dálel bolǵan joq. Onyń ústine, habarlamada feıktiń basty belgileriniń biri bar – onda sıpattalǵan oqıǵalar bolǵan merzim de, oryn da kórsetilmegen.
2016 jyly ıtter oqıǵasy Qaznet paıdalanýshylary arasynda keńinen tarady. Ol kezde ony QR ІІM joqqa shyǵardy.
«Sol kezden beri habarlamadaǵy telefondar da, esimder de ózgermegen. Qala kody men uıaly baılanys operatorlary ǵana aýysady. Bul habarlamada alaıaqtyq belgileri baıqalmaıdy. Áleýmettik jelilerde osyndaı aqparattyń taralýyna baılanysty senimdi derekkózderge júginý qajettigin eske salamyz. Sondaı-aq, kúmándi derekkózderden alynǵan aqparatty óz tanystaryńyzǵa odan ári taratpańyz», – dep málimdedi vedomstvodan.
