Qyzmettik ıtter 4 myńnan astam qylmysty ashýǵa kómektesti – QR ІІM
NUR-SULTAN. QazAqparat – Jyl basynan beri polıtseıler qyzmettik ıtterdiń kómegimen 4 myńnan astam qylmysty ashty. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat.
«Aýyr qylmystardyń, urlyq pen esirtkige baılanysty quqyqbuzýshylyqtardyń ashylýyn tájirıbeli kınologtar men olardyń arnaıy úıretilgen ıtterinsiz elestetý qıyn», - dedi Nurdildá Oraz Іshki ister mınıstrligi uıymdastyratyn aptalyq brıfıngide.
Onyń aıtýynsha, qyzmettik ıtterdiń kómegimen jyl basynan beri 4261 quqyqbuzýshylyq pen qylmys ashylǵan, onyń ishinde 1872 urlyq, 652 esirtki aınalymy, 143 tonaý, 25 qaraqshylyq jáne 46 kisi óltirý faktileri bar.
«Tóbetter, spanıelder, labradorlar – jyl basynan beri zańsyz aınalymnan bir tonnadan astam túrli esirtki zattaryn alýǵa kómektesti. Qyzmettik ıtter jarylǵysh zattardy izdeýde jáne ártúrli is-sharalardy ótkizý úshin óte qajet. Osy jyly polıtseılerdiń tórt aıaqty kómekshileri 4,5 myńnan astam tapsyrmaǵa shyqqan», - dedi Nurdildá Oraz.
