Qyzmettik ıt baspaldaq astynan asa iri kólemdegi gashısh tapty - Almaty oblysy
Almaty oblystyq Polıtsııa departamenti esirtki bıznesine qarsy is-qımyl basqarmasynyń qyzmetkerleri Talǵar aýdanynlaǵy Tuzdybastaý aýylynyń turǵynyn ustady.
«Qarasora-2020» jedel aldyn alý is-sharasy barysynda 37 jastaǵy azamattyń jeke úıine qyzmettik ıtpen tintý júrgizip, satynyń astyndaǵy paketten esirtki ónimi tabyldy. Sot saraptamasynyń qorytyndysyna sáıkes, tárkilengen esirtiki zaty gashısh bolyp shyqty.Onyń jalpy salmaǵy 1 keli 586 gramm.
Kúdikti buryn esirtkini paıdalanǵany, saqtaǵany úshin 4 ret jáne bireýdiń múlkin urlaǵany úshin 7 ret qylmystyq jaýapkershilikke tartylǵan retsıdıvıst bolyp shyqty. Sońǵy sottylyǵy 2020 jyldyń maýsym aıynda ótelgen. Ustalǵan azamat ýaqytsha ustaý oqshaýlaǵyshyna qamaqqa alyndy.
Atalǵan derek QR QK 296-babynyń 4-bóligi (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) boıynsha sotqa deıingi tergep-tekserýdiń biryńǵaı tizilimine tirkeldi. Osy quqyq buzýshylyq úshin úsh jyldan jeti jylǵa deıingi merzimge bas bostandyǵynan aıyrý jazasy kózdelgen.
