Qyzmettik etıkany saqtamaǵan polıtsııa basshysynyń orynbasary qyzmetinen bosady
Áleýmettik jelide keńinen talqylanǵan polıtseıdiń áreketine qatysty sheshim qabyldandy. Qyzmet babynda shortı, maıkamen kele jatqan ol aldynan shyqqan formadaǵy qyzmetkerdiń birin qolymen nuqyp jibergen. Keıinnen Túrkistan oblysy polıtsııa departamenti etıkany saqtamaǵan Qazyǵurt aýdandyq polıtsııa bólimi basshysynyń orynbasaryna qatysty tekserý bastalǵanyn málimdegen bolatyn.
Zań aıasynda júrgizilgen komıssııa otyrysynyń qorytyndysy boıynsha beınejazbadaǵy basshynyń orynbasary qyzmetten bosatyldy. Sonymen qatar qazirgi tańda atalǵan jaıt boıynsha QR QK-niń «Bılikti nemese laýazymdyq ókilettikterdi asyra paıdalaný» 362- babymen sotqa deıingi tergeý júrgizilýde.
Bul týraly Túrkistan oblysy polıtsııa departamentiniń bastyǵy Murat Qabdenov málimdedi.
«Áleýmettik jelide jeldeı esken polıtseıdiń is-áreketi jaıly jazbalar boıynsha tıisti sharalar qabyldanyp jatqanyn barshańyzǵa jetkizgen edim. Sol sharalardyń bastamasymen bólisýdi jón dep otyrmyn. Sebebi, naqty qoldanylyp jatqan jumystardan sizderdiń habardar bolýlaryńyz polıtsııanyń ashyqtyǵyn bildiredi» - dedi polıtsııa general-maıory.
