Qyzmettik etıkany saqtamaǵan polıtsııa basshysyna qatysty oqıǵa tekserilýde

TÚRKІSTAN. QazAqparat – Túrkistanda qyzmettik etıkany saqtamaǵan polıtsııa bóliminiń basshysyna qatysty tekserý júrip jatyr, dep habarlaıdy QazAqparat tilshisi.

Áleýmettik jelide taraǵan vıdeodan polıtsııa bólim basshysynyń jumys babynda qyzmettik etıkany saqtamaı júrgenin kórýge bolady. Shortı, maıkamen kele jatqan ol aldynan shyqqan formadaǵy qyzmetkerdiń birin qolymen nuqyp jiberedi.

Oblystyq polıtsııa departamentiniń baspasóz qyzmeti atalǵan iske qatysty komıssııa qurylyp, tekserý jumystary bastalǵandyǵyn habarlady

«Osy is boıynsha arnaıy komıssııa qurylyp, Qazyǵurt aýdandyq polıtsııa bóliminde tıisti tekserý jumystaryn júrgizýde. Tııanaqty tekserý jumystary júrgizilip, zańdy sheshim qabyldanatyn bolady. Bul jaıt departament bastyǵy M.Qabdenovtiń baqylaýynda» - delingen habarlamada.

Vıdeodan alynǵan kadr