Qyzmette tabysty bolý úshin de jaqsy minez qajet - Ǵylymı zertteý
ASTANA. QazAqparat - Ǵalymdardyń zertteýi boıynsha, qyzmette tabysqa jetý úshin ıntellektýaldyq bilim, tanymnan góri kórkem minez-qulyq qajet. Avstarlııanyń Grıffıt ýnıversıteti zertteýshileri tipti bilim alýǵa da minezdi bolý kerektigin aıtady, dep jazady meddaily.ru.
Psıhologtar turaqty, ashyq, jaıdary, keshirimshil sııaqty adamı qasıetterdi basshylyqqa ala otyryp, birneshe stýdenttiń úlgerimin zerttegen. Zertteý nátıjesi kórsetkendeı, stýdenttiń minezine qarap, onyń sabaq úlgerimi men ıntellektýaldyq deńgeıi anyqtalǵan. Synaq boljamdary dál shyqqan. Eger dostary men onyń aralasatyn adamdary bir stýdentti jaqsy minezdi dep kórsetse, onyń sabaq úlgerimi men bilim deńgeıi soǵan saı bolyp shyqqan. Ásirese, adamnyń jetistikke jetýine, arly, uıatty minezi men ashyq, jaıdarylyǵy kóp áser etedi.
Buǵan deıingi zertteýlerde ózin aqyldymyn dep sanaıtyn stýdentterdiń kerisinshe, keri ketip, bara-bara salaqsyp ketetini anyqtalǵan. Al, ózin qarapaıym eńbekqor retinde sanaıtyn adamnyń jetistikteri ústi-ústine qosyla bergen. Qortyndysynda ǵalymdar, ıntellektýaldyq tanymnan góri adam jaqsy, kórkem minezge úırenip, ózin tárbıeleýi kerektigin eskertedi.
