Qyzmetkerlerge eseptelgen ortasha aılyq jalaqy 66 674 teńgeni qurady - QR Statıstıka agenttigi
ASTANA. Naýryzdyń 11-i. QazAqparat /Rýslan Ǵabbasov/ - 2010 jyldyń aqpanynda jumyssyzdardyń sany 552,7 myń adamdy qurady.
Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti, dep habarlaıdy QazAqparat.
Onyń aıtýynsha, ekonomıkalyq belsendi halyq sanyna qaraǵanda jumyssyzdyq deńgeıi 6,5 paıyzǵa jetti. Atap aıtqanda, bıylǵy jylǵy aqpannyń aıaǵynda jumyspen qamtý organdarynda jumyssyzdar retinde tirkelgenderdiń sany 73,2 myń adamdy qurady.
Sonymen qatar 2010 jyldyń qańtarynda qyzmetkerlerge eseptelgen ortasha aılyq ataýly jalaqy 66 674 teńgeni qurady. Ótken jyldyń osy kezeńine qaraǵanda ósim 8,6 paıyzǵa jetti.
