Qyzmetkerlerdiń smartfondaryn Qazaqstan bankteri qadaǵalaıtyn bolady

ASTANA. QazAqparat - QR Ulttyq banki bólek banktik qyzmet túrlerin júzege asyratyn bankter men mekemelerdiń aqparattyq qaýipsizdigin qamtamasyz etetin  jańa talaptaryn  bekitti, dep habarlaıdy «QazAqparat» HAA tilshisi Ulttyq banktiń  2018 jylǵy 27 naýryzdaǵy qaýlysyna silteme jasap. 

 Erejelerge sáıkes, eger qyzmetkerler  jeke mobıldi qurylǵylaryn banktiń aqparattyq aktıvin óńdeý úshin qoldansa, olar arnaıy baǵdarlamallyq qurylǵymen qamtamasyz etiledi. Ol jeke aqparat pen bank aktıvin ajyratady. Mobıldi qurylǵyǵa ornalasqan banktiń barlyq aqparaty shıfrly túrde saqtalatyn bolady.

 Sondaı-aq, jańa talaptarǵa saı, bankter men mekemeler   qyzmettik stantsııalar men mobıldi qurylǵylardyń esebin korporatıvtik jelide júrgizýi tıis. Esepke alý júıesi elektrondy túrde nemese qaǵaz nusqasy túrinde bolady.Ol qyzmettik stantsııanyń naqty ornalasqan jerin dál taýyp nemese mobıldik qurylǵynyń kimge tıesili ekendigin anyqtaýǵa múmkindik beredi.

Sonymen qosa, paıdalanýshylarǵa baǵdarlamalyq qamtamasyz etýdi jasaýǵa, syrttaǵy jabdyqtardy jáne qyzmettik stantsııalardy óz betimen júzege asyrýǵa tyıym salynady.