Qyzmetkerlerdiń densaýlyǵyn qorǵaý kez kelgen kásiporynnyń básekege qabilettiligin qamtamasyz etedi-Almaydaǵy dóńgelek ústel
ALMATY. 5 sáýir. QazAqparat /Názıra Eleýhan/ - Qyzmetkerlerdiń densaýlyǵyn qorǵaý kez kelgen kásiporynnyń básekege qabilettiligin qamtamasyz etedi.
Bul týraly búgin Almatyda Dúnıejúzilik densaýlyq kúnine arnalǵan «Jumys isteıtin qyzmetkerlerdiń densaýlyǵyn nyǵaıtý jáne qorǵaý» dep atalatyn «dóńgelek ústeldiń» qatysýshylary atap ótti.
Salaýatty ómir saltyn qalyptastyrý problemalary ulttyq ortalyǵy mamandarynyń pikirinshe, salaýatty ómir saltyn qalyptastyrýdy engizý úshin Úkimettiń, ónerkásip basshylary men halyqaralyq jáne ÚEU-dyń biryńǵaı is-áreketteri qajet.
Dóńgelek ústelge qatysýshylardyń ortaq pikiri boıynsha, kásiporyndardyń turaqty damýy tek qyzmetkerlerine densaýlyqtaryn saqtaýǵa arnalǵan jaǵdaıdy jasaǵanda ǵana múmkin bolmaq.
«Barlyq kásiporyndar birtindep saqtandyrýdy qoldanýǵa kóshýleri qajet. Sonymen qatar kásiporyndar óz qarajattaryna qyzmetkerleriniń densaýlyqtaryn saqtaý men eńbekke qabilettilikterin arttyrý maqsatynda profılaktıkalyq medıtsınalyq tekserýlerden ótkizip turýdy qamtamasyz etýi tıis, sondaı-aq stresstik jaǵdaılar men psıhologııalyq sharshaýlarda kómek bere alatyn psıholog ár uıymda bolýy qajet. Sodaı-aq, ár jumys ornynda mindetti óndiristik gımnastıkalardy engizý qajet, ár eńbektiń túrine qaraı keshendi jattyǵýlardy oılap tabý kerek», - dep sanaıdy jıynǵa qatysýshylar. Olardyń aıtýynsha, ár jumys oryndary múmkindiginshe, sporttyq-trenajer zaldary men massaj bólmeleriniń bolýyn qarastyrýy qajet.
Salaýatty ómir saltyn qalyptastyrý problemalary ulttyq ortalyǵynyń bas mamany Natalıa ıAkovlevanyń aıtýynsha, eńbekti qorǵaý jáne qyzmetkerdiń densaýlyǵy - kásiporynnyń turaqty damýyndaǵy áleýmettik mańyzdy másele bolyp tabylady.
