Qyzmetkerler jumys arasynda kúnine bir saǵat serýendeýi kerek - zertteý
ASTANA. QazAqparat - Jumystan bos ýaqytyńdy taza aýa men tabıǵat aıasynda ótkizýdiń paıdasy týraly kóptegen zertteýler bar. VVS basylymynda Fılıpp Fogartıdiń tabıǵattyń adamnyń jumys qabiletine áseri týraly maqalasy jarııalandy.
«Búgingi tańda barlyǵymyzdyń jumystan qolymyz bosaı bermeıdi. Bizdi tehnologııalar qorshap alǵan. Qalaly jerde de tabıǵatpen baılanysty seziný qıyn. Ortasha eseppen ár amerıkalyq óz ómiriniń 90%-yn ǵımarat ishinde ótkizedi eken», dep jazady avtor. Onyń aıtýynsha, qyzmetkerler jumys arasynda bir saǵat ýaqytyn tabıǵat aıasynda ótkizýi kerek.
«Dalaǵa shyqqannyń paıdasy kóp. Birinshiden, qımyl qozǵalys densaýlyqqa jaqsy áser etedi. Ekinshiden, bul D dárýmenin alýǵa kómektesedi. Úshinshiden, jumys belsendiligi artady. Sol sebepti qyzmetkerler kúnine bir saǵat úzilis alyp, dalaǵa serýendep kelýleri kerek», deıdi avtor. Onyń aıtýynsha tabıǵatqa shyqqan adamda kúızelis bolmaıdy. Sondyqtan maqalada eń kem degende jergilikti saıabaqqa baryp turý kerektigi aıtylady.
«Fınlıandııada júrizilgen zertteýge sensek, túski úzilis kezinde taza aýaǵa shyǵý jumys ónimdiligin arttyraly. Zertteýde bir top kúnine on bes mınýt saıabaqqa barsa, ekinshi top ǵımarat ishinde jattyǵý jasaǵan. Náıjesinde belgili bolǵandaı, birinshi toptyń densaýlyǵy ekinshi topqa qaraǵanda jaqsara bastaǵan», dep jazady avtor.
Onyń aıtýynsha, keıbir iri kompanııalar tabıǵatty jumystyń bir bóligine aınaldyrǵan. Mysaly, Microsoft kompanııasy aǵashtar arasynda jınalys ótkizetin oryn salǵan. Al Amazon kompanııasynyń 800 adamǵa arnalǵan ósimdikterge tolǵan úsh ǵımaraty bar. Adobe bolsa Londondaǵy keńseniń shatyrynda júgirý alańyn jasaǵan.
