Qyzmetkerinen para alǵan dırektor tergelip jatyr

NUR-SULTAN. QazAqparat – Memlekettik materıaldyq rezervter komıteti «Rezerv» memlekettik kásiporyny «Balqash» fılıalynyń dırektory para alý kúdigine ilikti. Bul týraly QazAqparat Sybaılas jemqorlyqqa qarsy qyzmetine silteme jasap habarlaıdy.

«Shyǵys Qazaqstan oblysynyń Sybaılas jemqorlyqqa qarsy qyzmeti QR Ulttyq ekonomıka mınıstrligi Memlekettik materıaldyq rezervter komıtetiniń «Rezerv» respýblıkalyq memlekettik kásiporyny «Balqash» fılıalynyń dırektoryna qatysty sybaılas jemqorlyq qylmysyn jasady degen kúdikpen sotqa deıingi tergeýdi bastady», - delingen habarlamada.

Vedomstvo málimetinshe, ol jumys babynda jalpy qamqorlyǵy úshin baǵynyshty qyzmetkerden para alý kúdigine iligip otyr. Kúdiktiniń kinásine qatysty túpkilikti sheshimdi sot shyǵarady.