Qyzmetkerine ózin arqalatqan sheneýnik jumystan qýyldy
ASTANA. QazAqparat - Qytaıdaǵy Gýısı provıntsııasynyń sheneýnigi qyzmetkeriniń arqasyna mingen sýreti jurtshylyqqa taralyp ketkennen keıin jumystan shyǵaryldy. Bul týraly Reuters habarlaıdy.
Sheneýnik sý tasqyny kezinde habar-osharsyz ketken balalardy izdeýmen aınalysatyn topqa engizilgeni atap ótiledi. Agenttiktiń aıtýynsha, sý basqan aımaqtan ótý úshin ol ózinen laýazymy tómen top múshesiniń arqasyna mingen.
Mundaı oqıǵa bir jyl buryn kórshiles Chjetszıan provıntsııasynda da oryn alǵan. Onda sheneýnik sý tasqyny kezinde baǵynyshty qyzmetkerge ózin arqalatqany úshin jumystan bosatylǵan.
