Qyzmetkerin jumystan zańsyz shyǵarǵan Slovakııa prezıdentiniń múlki tárkilenbek
ASTANA. QazAqparat - Sot sheshimi boıynsha Slovakııa prezıdentiniń qyzmettik múlkiniń jalpy somasy 121 myń eýrony quraıtyn bir bóligi tárkilenip, respýblıka basshysynyń keńsesinen zańsyz shyǵarylǵan qyzmetkerge ótemaqy retinde tólenedi.
«Prezıdent Rýdolf Shýsterdiń kezinde jumys istep, qyzmetten shyǵarylǵan Ladıslav Lızak Ivan Gashparovıchtiń el basqarýy kezinde sotta jeńiske qol jetkizgen. Endi Andreı Kıskanyń prezıdenttigi kezinde sotpen anyqtalǵan ótemaqysyn almaqshy, biraq ázirshe ol maqsatyna jete almaýda», dep habarlanǵan bratıslavalyq SME gazetiniń saıtynda.
Basylym málimetteri boıynsha, bul iske sot prıstavy Shtefan Maıhrak kiristi. Sot sheshiminiń negizinde ol prezıdent keńsesi múlkiniń bóligin keıinnen satýdy kózdeýmen atalǵan somaǵa tárkileý týraly ókim daıyndady. Múlikti tizimdeý 2015 jyldyń 18 naýryzyna belgilendi.
