Qyzmetkerdiń úıde otyryp jumys isteýine múmkindik bergen jón - VVS
ASTANA. QazAqparat - Búgingi tańda kóptegen kompanııalar qyzmetkerlerin ustap qalý úshin olarǵa túrli jeńildikter qarastyrýda. Biri jattyǵý zalyna abonement berse, bireýleri emdik-saýyqtyrý sharalaryn usynyp, kóbirek saıahattaýǵa múmkindik berýge tyrysyp-aq jatyr.
BBC basylymynyń jazýynsha, jumys orny kóp bolǵan saıyn qyzmetkerlerge usynylatyn jeńildikter de arta beredi.
«Kez kelgen jumys berýshi qyzmetkerleriniń kóńili jaıly, psıhologııalyq kúıi jaqsy bolǵanyna múddeli. Sebebi qyzmetkerdiń jeke problemasy az bolǵan saıyn onyń jumysy ónimdirek bolatyny belgili» deı kele, avtor qyzmetkerlerge usynylatyn tıimdi jeńildik túrlerine toqtalǵan.
«Netflix sekildi óte iri kásiporyndar qyzmetkerge ózi qalaǵan ýaqytqa eńbek demalysyn alýǵa múmkindik beredi. Manchester bıznes mektebiniń professory Kerı Kýperdiń aıtýynsha, mundaı jeńildikter qyzmetkerdiń óz ózine degen senimi men baǵasyn arttyryp qana qoımaıdy, PR turǵysynan da keremet múmkindik» dep jazady basylym.
Avtordyń jazýynsha, tizimde tegin keshki as pen sýsyndar kópshilik oılaǵandaı tıimdi bolmaı, 38-orynnan kóringen.
«Jumys ornyn úıge uqsatýǵa tyryspaı, qyzmetkerlerge úıde otyryp jumys isteýge múmkindik berýge kóshken jón», dep jazady avtor.
