Qyzmetker naýqastanyp qalsa, basshylyq senbeıdi - zertteý
ASTANA. QazAqparat - Naýqastanyp júrip jumysqa barý - qıynnyń qıyny. Degenmen, kúsh jınaý úshin ýaqyt kerek ekenin bastyqqa qalaı túsindirýge bolady? VVS basylymy osy suraqqa jaýap izdep kóripti.
«Ulybrıtanııa Ulttyq statıstıka basqarmasynyń derekterine sensek, 1993 jyldan beri naýqastyq demalys alý eki esege azaıǵan. Buryn azamattar ortasha eseppen 7,2 kún emdelse, 2017 bul 4,1 demalys kúnin quraǵan. Al London ýnıversıtetindegi ınfektsııalyq aýrýlar jáne epıdemıologııa kafedrasynyń ǵylymı qyzmetkeri Kaılı Eınslıdiń aıtýynsha, bul ózgeristi túsindirý qıyn, degenmen, adamdar sırek aýyratyn boldy deýge de bolmaıdy», dep jazady avtor.
Onyń aıtýynsha, zertteýler basshylyq senimsizdik tanytatyndyqtan, qyzmetkerlerdiń kópshiligi syrqattanyp qalsa da jumysqa baryp júretinin kórsetken. Mamandar bul jaǵdaıǵa jumys berýshilerdi kinálap otyr.
«Tehnologııalar jahandyq bızneske enip, jumystyń dınamıkasyn ózgertti. Kópshiligi keńseden tys jerde jumys isteýge múmkindik ala bastady. Bul jaǵdaı jumys berýshilerdiń óz qyzmetkerlerin qatty baqylaýda ustaýyna ıtermeledi. Sonymen qatar jumys berýshiler qyzmetkerine senimsizdik tanytatyn boldy», dep jazady avtor.
Onyń aıtýynsha, mundaı stereotıpterdiń qalyptasýyna úıde otyryp ta jemisti jumys istep, sapaly qyzmet atqarýǵa bolatynyna senbeıtin úlken býyn ókilderi de kináli.
«AQSh-tyń statıstıka bıýrosyna sensek, sońǵy eki jylda vakansııalar sany da, jumystan shyǵyp ketip jatqandar sany da eki ese artty. Bul qyzmetkerdi jumysta ustap qalýdyń qıyndap bara jatqanyn kórsetedi. Degenmen, basshylyq pen qyzmetkerler arasynda baılanys bolýy kerek. Shynaıy qamqorlyq bul baılanysty arttyrmasa, kemitpeıtini anyq», dep jazady avtor.
