Qyzmet ókilettigin asyra paıdalanǵan elordanyń Turǵyn úı departamentiniń burynǵy basshysy S.Nogaıǵa aıyppul salyndy
ASTANA. 17 tamyz. QazAqparat /Aıdar Ospanalıev/ - Astana qalasy Turǵyn úı departamentiniń burynǵy basshysy Svıatoslav Nogaıǵa qatysty sot qyzmettik ókilettigin asyra paıdalandy degen aıyppen 200 eseptik kórsetkish kóleminde aıyppul saldy.
Bul týraly búgin Astana qalalyq Ekonomıkalyq qylmysqa jáne sybaılas jemqorlyqqa qarsy kúres departamentiniń basqarma bastyǵy Erlan Rahymbekov aıtty.
Onyń málimetteri boıynsha, «Páter bıýrosy» aktsıonerlik qoǵamynyń Bas dırektory Omarov 9 aıǵa bas bostandyǵynan aıyryldy. Al osy kompanııa basshysynyń qarjy jónindegi orynbasary Kalashnıkov 5 jylǵa shartty túrde bas bostandyǵynan aıyryldy. Sondaı-aq
«T-ADK» jaýapkershiligi shekteýli seriktestiginiń jetekshileri Baımakın men Kımniń múlikteri tárkilenip, árqaısysy 6 jylǵa bas bostandyqtarynan aıyryldy.
